آج ممبئی لایا جائے گا سری دیوی کا جسد خاکی ، انل امبانی نے اپنا طیارہ دبئی بھیجا

ممبئی  : بالی ووڈ کی معروف اداکارہ سری دیوی کا جسد خاکی آج ممبئی لایا جائے گا ۔ اس کیلئے انل امبانی کا خصوصی طیارہ دوبئی میں کل سے ہی موجود ہے ۔ بتایا جارہا ہے کچھ سرکاری کارروائی کی تکمیل میں گزشتہ روز تاخیر کی وجہ سے ان کا جسد خاکی ابھی تک ممبئی نہیں لایا جاسکا ہے ۔

بونی کپور کے ترجمان نے اتوار دیر شام کو بتایا کہ سری دیوی کی بے وقت موت سے بونی کپور ، جھانوی ، خوشی اور پورا کپور و ایپن کنبہ گہرے صدمے میں ہے  ۔انہوں نے بتایا کہ اداکارہ کا جسد خاکی پیر کو ممبئی لایا جائے گا ۔ ادھر   ہندوستانی سفارت خانہ بھی بالی ووڈ کے مشہور اداکارہ سری ویوی کے جسد خاکی کو



ممبئی لے جانے میں یہاں کے افسران کے ساتھ مل کر ان کے خاندان کے ارکان کو ہر ممکن مدد دے رہے ہیں۔

متحدہ عرب امارات میں ہندوستانی سفیر نودیپ سوری نے ٹویٹ کرکے کہا، ’’دوبئی میں ہمارا سفارت خانہ سری دیوی کے خاندان کے اراکین کو ممکنہ مدد فراہم کرنے کے لئے مقامی حکام کے ساتھ کام کررہا ہے‘‘۔

خیال رہے کہ سری ویوی نے اپنے بھتیجے موہت ماروہ کی شادی میں شمولیت اختیار کرنے کے لئے دوبئی میں گئی تھی جہاں باتھ روم میں دل کا دورہ پڑنے سے کی وجہ سے گزشتہ رات ان کا انتقال ہوگیا۔ اس کے جسد خاکی کو آج رات ممبئی کولے جانے کی توقع ہے۔