سونیا، منموہن، راہل اورپرینکا انتخابی تشہیر کے لیے پنجاب آئیں گے

چنڈی گڑھ، 4 فروری (یو این آئی) کانگریس کے سینئر لیڈر اور سابق وزیر اعظم منموہن سنگھ، پارٹی صدر سونیا گاندھی، کانگریس کے سابق صدر راہل گاندھی، پارٹی جنرل سکریٹری پرینکا گاندھی واڈرا سمیت کانگریس کے تقریباً 30 اسٹارکمپینرس پارٹی امیدواروں کے حق میں مہم چلانے پنجاب آئیں گے۔

پارٹی کی طرف سے جمعہ کو یہاں جاری اسٹارکمپینرس کی فہرست میںمحترمہ گاندھی، ڈاکٹر سنگھ، مسٹر گاندھی، محترمہ واڈرا، پارٹی لیڈر ہریش چودھری، نوجوت سنگھ سدھو، وزیر اعلی چرنجیت سنگھ چنی،محترمہ میرا کمار، راجستھان کے وزیر اعلی اشوک



گہلوت، چھتیس گڑھ کے وزیر اعلی بھوپیش بگھیل، پنجاب کانگریس کے سابق صدر سنیل جاکھڑ، پارٹی کے سینئر لیڈر پرتاپ سنگھ باجوہ، اجے ماکن، ہریانہ کے سابق وزیر اعلی بھوپندر سنگھ ہڈا، راجیہ سبھا ممبر آنند شرما، سابق مرکزی وزیر کماری شیلجا، کانگریس ہیڈ کوارٹرس کے شعبہ اطلاعات و نشریات کے انچارج رندیپ سرجے والا، پارٹی کے سینئر لیڈر راجیو شکلا، سینئر کانگریس لیڈر سچن پائلٹ، ایم پی دیپندر ہڈا، پارٹی لیڈر رنجیت رنجن، نیتا ڈیسوزا، بی وی بسواس، امریتا دھون، رامندر اولا، تیجندر بٹو، عمران پرتاپ گڑھی اور امریندر راجہ ویڈنگ شامل ہیں۔