سونیا گاندھی نے وزیراعظم کو کورونا ویکسین کی قیمت پرمن مانی سے متعلق خط لکھا

نئی دہلی، 22 اپریل (یو این آئی) کانگریس کے صدر سونیا گاندھی نے آج وزیر اعظم نریندر مودی کو کورونا ویکسین کی قیمتوں میں فرق سے متعلق ایک خط لکھا ، جس میں کہا گیا تھا کہ وبادرمیان ویکسین کی من مانی قیمت غیر منصفانہ ہیں اور مسٹر مودی کو اس میں مداخلت کرنی چاہئے وزیر اعظم کو لکھے گئے خط میں ، کانگریس پارلیمانی پارٹی کی لیڈڑ نے اس بات پر تشویش کا اظہار کیا کہ کورونا ویکسینیشن سے متعلق حکومت کی پالیسیوں کی وجہ سے ، ویکسین بنانے والی کمپنیاں اس کی قیمتوں سے متعلق من مانی پر اتر آئی ہیں۔

انہوں



نے کہا کہ ویکسین تیار کرنے والی کمپنی سیرام انسٹی ٹیوٹ نے آج ہی اس ویکسین کی قیمت کا اعلان کیا ہے ۔ اس کے مطابق مرکزی حکومت کو یہ ٹیکہ 150 روپے میں ، ریاستی سرکاروں کو 400 روپے میں اور پرائیویٹ اسپتالوں کو 600 روپے میں فروخت کیاجائے گا۔

کانگریس صدر نے کہا کہ جب ملک میں کورونا کی دوسری لہر عروج پر ہے ، تو حکومت کو اس طرح کی من مانی کی اجازت نہیں دینی چاہئے اور 18 سال سے زیادہ عمر کے تمام افراد کو ان کی معاشی حیثیت یادیگر سطح کا اندازہ کئے بغیر یکساں طور پر سبھی کے لئے ٹیکہ کاری کا انتظام کرنا چاہئے۔