شیوراج سنگھ چوہان کو ٹی آرایس اور چندرشیکھرراو پر نکتہ چینی کا اخلاقی حق نہیں:وزیر صحت ہریش راو

حیدرآباد8جنوری(یواین آئی)تلنگانہ کے وزیرصحت ہریش راو نے برہمی کااظہار کرتے ہوئے کہا کہ مدھیہ پردیش کے وزیراعلی شیوراج سنگھ چوہان کو تلنگانہ کی حکمران جماعت ٹی آرایس اور وزیراعلی کے چندرشیکھرراو پر نکتہ چینی کرنے کا اخلاقی حق نہیں ہے۔

وزیر ہریش راؤ نے سدی پیٹ میں میڈیا سے بات کرتے ہوئے کہا کہ کانگریس کے ارکان اسمبلی کو خرید کر وزیراعلی بننے والے چوہان کو وزیراعلی چندرشیکھرراو پرنکتہ چینی کرنے کا



کوئی اخلاقی حق نہیں پہنچتا۔

انہوں نے پوچھا کہ شیوراج سنگھ چوہان کی ریاست کا تلنگانہ سے کیا موازنہ ہے؟انہوں نے پوچھا کہ چوہان کی ریاست نے کس میدان میں ترقی کی ہے؟ انہوں نے کہاکہ چوہان نے تلنگانہ کے کالیشورم پروجیکٹ میں بدعنوانی کا الزام لگایا ہے جبکہ ان ہی کی پارٹی کے مرکزی وزیر نے پارلیمنٹ میں کانگریس کے رکن ریونت ریڈی کے سوال کا جواب دیتے ہوئے واضح کیا کہ کالیشورم پروجیکٹ میں کوئی بدعنوانی نہیں ہوئی ہے۔