سونیا گاندھی سے ہوگی شرد پوار کی ملاقات

نئی دہلی،4 نومبر ( یواین آئی) مہاراشٹر میں حکومت بنانے کے سلسلے میں چل رہی کھینچ تان کے درمیان نیشنلسٹ کانگریس پارٹی (این سی پی) کے صدر شرد پوار پیر کو کانگریس کی عبوری صدر سونیا گاندھی سے ملاقات کریں گے سیاسی گلیاروں میں ایسی تذکرہ ہے کہ مہاراشٹر میں حکومت بنانے کے سلسلے میں بھارتیہ جنتا پارٹی (بی جے پی) اور شیو سینا کے درمیان رضامندی قائم نہیں ہوتی ہے، تو کانگریس اور این سی پی شیو سینا کو حمایت دینے پر غور کر سکتی ہے۔مہاراشٹر



میں حکومت بنانے اور محکموں کی تقسیم کے معاملے میں دونوں پارٹیوں میں تعطل برقرار ہے۔واضح رہے کہ مہاراشٹر میں حالیہ ہوئے اسمبلی انتخابات میں 288 سیٹوں میں سے بی جے پی نے 105 سیٹوں پر کامیابی حاصل کی تھی، جبکہ شیو سینا 56 سیٹیں حاصل کرنے میں کامیابی حاصل کی تھی ۔ ادھر سیاسی تعطل کے درمیان شیو سینا لیڈر سنجے راوت نے این سی پی لیڈر اجیت پوار کو پیغام بھیجا تھا ۔ موبائل پر بھیجے گئے پیغام میں مسٹر راوت نے لکھا’’ نمسکار میں سنجے راوت، جے مہاراشٹر‘‘۔