تلنگانہ میں سردی کی شدید لہر، صبح کے اوقات میں لوگ 10 بجے تک گھروں میں رہنے پر مجبور

اعتماد:

حیدرآباد: سردی کے موسم کے آغاز کے ساتھ ہی تلنگانہ میں میچانگ طوفان کی وجہ سے درجہ حرارت بری طرح گر رہا ہے۔ ریاست بھر میں سردی میں بےتحاشہ اضافہ ہورہا ہے۔ اوردرجہ حرارت میں نمایاں کمی آرہی ہے۔ صبح کے وقت کئی مقامات پر گھنی دھند اور شبنم پڑرہی ہے۔ شام 5 بجے سے شروع ہو جائے تو صبح 9 بجے کے بعد بھی سردی کی شدت میں کمی نہیں آرہی ہے، جس کی وجہ سے لوگ صبح 10 بجے تک باہر نکلنے میں پس وپیش کررہے ہیں۔ درجہ حرارت کم ترین سطح پر گرنے سے لوگ سردی سے کانپ رہے ہیں اور ٹھنڈی ہوائیں بھی چل رہی ہیں۔

تلنگانہ کے بھدرادری کوتہ گوڑم، کھمم، ورنگل اور نلگنڈہ اضلاع میں دھند پڑ رہی ہے۔ میدک، حیدرآباد، محبوب نگر اور سنگاریڈی میں درجہ حرارت کم سے کم 15 ڈگری تک گر گیا۔ گزشتہ 24 گھنٹوں کے دوران عادل آباد میں 12.7 ڈگری، بھدراچلم میں 18.5 ڈگری، حکیم پیٹ میں 15.2 ڈگری، ڈنڈیگل



میں 15.7 ڈگری، ہنمکنڈہ میں 14.5 ڈگری، حیدرآباد میں 16.1 ڈگری، کھمم میں 16.6 ڈگری، محبوب نگر میں 19.1 ڈگری، نلگنڈہ میں 19 ڈگری اور راماگنڈم میں 15.2 ڈگری سینٹی گریڈریکارڈ کیا گیا۔

دوسری جانب محکمہ موسمیات نے خبردار کیا ہے کہ میچانگ طوفان کے اثرات سے پہلے ہی سردی کی شدت میں اضافہ اور فصلوں کو شدید نقصان پہنچنے کے بعد چند روز میں ایک اور طوفان کے امکانات ہیں۔ خلیج بنگال میں کم دباؤ کا ایک اور دور بننے کی توقع ہے۔ امکانات ہیں کہ 16 دسمبر کو سطحی دور ہو سکتا ہے۔ یہ انکشاف ہوا ہے کہ یہ 18 دسمبر تک کم دباؤ بن جائے گا۔ فی الحال، آئی ایم ڈی نے پیشن گوئی کی ہے کہ کم دباؤ کا یہ چکر سری لنکا، تمل ناڈو اور اے پی کی طرف جاری ہے۔ یہ بھی کہا جا رہا ہے کہ کم دباؤ کے بھاری طوفان میں تبدیل ہونے کا امکان ہے۔ اگر ایسا ہوتا ہے تو پھر سے شدید بارشوں کا امکان ہے۔