ای پیپر
انگلش ویکلی
خصوصی
زیادہ دیکھے گئے
اوپینین پول
جھارکھنڈ اسمبلی انتخابات 2024 میں کون سی سیاسی پارٹی جیتے گی؟
سعودی عرب نے کناڈا کے سفیر کو ملک چھوڑ دینے کا دیا حکم
Tue 07 Aug 2018, 19:12:59
کناڈا/7اگست(ایجنسی) کناڈا کی وزیر خارجہ کی طرف سے انسانی حقوق کی سعودی خاتون کارکنان ثمر بدوی samar-badawi اور نسیمہ السادہ کی رہائی کا مطالبہ سعودی عرب پر اتنا گراں گزرا کہ اس نے کناڈا کے سفیر کو اگلے چوبیس گھنٹوں میں ملک چھوڑ دینے کا حکم دے دیا۔ کناڈیائی وزیر خارجہ کرسٹیا فری لینڈ نےدراصل ایک ٹویٹ کے ذریعے سعودی عرب میں زیر حراست انسانی حقوق کی خاتون کارکنان سے اظہار یکجہتی کیا تھا۔
style="font-family: "Jameel Noori Nastaleeq"; font-size: 18px; text-align: start;">سعودی وزارت خارجہ نے کناڈیائی سفیر کو ملک سے نکل جانے کی ہدایت تک ہی اپنا رد عمل موقوف نہیں رکھا بلکہ یہ کناڈا کے ساتھ کاروبار کے تمام نئے معاہدوں پر عمل درآمد کو بھی روک دینے کی بات کہہ دی اور کہا کہ سرمایہ کاری کے منصوبے بھی فی الحال معطل رکھے جائیں گے۔ سعودی حکومت نے اوٹاوا میں تعینات سعودی سفیر کو بھی واپس بلا لیا ہے۔ واضح رہے کہ کناڈا تیل کی اپنی ضرورت کا دس فیصد سعودی عرب سے درآمد کرتا ہے۔ دوسری جانب کناڈا کی وزارت خارجہ کی ایک ترجمان کے مطابق کناڈا نے ہمیشہ سے انسانی حقوق کے لیے آواز اٹھائی ہے اور خاص طور پر خواتین کے حقوق کے لیے، "ہماری حکومت کبھی بھی ان اقدار کو فروغ دینے سے نہیں ہچکچائے گی"۔
اس پوسٹ کے لئے کوئی تبصرہ نہیں ہے.
خصوصی میں زیادہ دیکھے گئے
Indian Rupee Converter