حکومت بننے پر سماج وادی پنشن اسکیم کو دوبارہ شروع کیا جائے گا:اکھلیش یادو

لکھنؤ:19جنوری(یواین آئی) سماجو ادی پارٹی(ایس پی)سربراہ اکھلیش یادو نے بدھ کو کہا کہ اترپردیش اسمبلی انتخابات کے بعدریاست میں ایس پی کی حکومت بننے پر سماج وادی پنشن اسکیم کو ایک بارپھر شروع کیا جائے گا اکھلیش نے یہاں پریس کانفرنس میں کہا کہ ایس پی حکومت میں سماج وادی پنشن اسکیم شروع کی گئی تھی۔ اس کے تحت تقریبا 50لاکھ غریب لوگوں کی مدد ہورہی تھی۔ پارٹی نے طے کیا ہے کہ ایس پی حکومت بننے پر اس اسکیم کو دوبارہ شروع کیا جائے گا۔ اس میں مستفیدین کو 18ہزار روپئے ملیں گے۔ اس سے پہلے اس اسکیم کے مستفیدین کو 06ہزار روپئے



ملا کرتے تھے۔

اس دوران انہوں نے بی جے پی کی رکنیت اختیار کرنے والی ان کے ہی کنبے کی رکن اپرنا یادو کو مبارک باد پیش کرتے ہوئے کہا’ہمیں اس بات کی خوشی ہے کہ سماج وادی نظریات کی توسیع ہورہی ہے۔ہمیں امید ہے کہ ہمارے نظریات وہاں بھی پہنچ کر آئین اور جمہوریت کو بچانے کا کام کریں گے۔

قابل ذکر ہے کہ گذشتہ انتخابات میں اپرنا کو ایس پی کے ٹکٹ پر لکھنؤ کینٹ سے انتخابی میدان میں اتارا گیا تھا۔ وہ بی جے پی کیریتا بہو گنا جوشی سے ہار گئی تھیں۔ آئندہ انتخابات میں بی جے پی کے ٹکٹ پر اسی سیٹ سے ان کے انتخابات لڑنے کے امکان ہیں۔