روزگار میں اضافہ، مہنگائی زیر قابو : سیتارمن

نئی دہلی، 11 فروری (یو این آئی) وزیر خزانہ نرملا سیتا رمن نے جمعہ کو راجیہ سبھا میں کہا کہ ملک میں روزگار کے مواقع بڑھے ہیں اور حکومت کورونا وبا کے دوران بھی مہنگائی پر قابو پانے میں کامیاب رہی ہے۔

محترمہ سیتارمن نے ایوان بالا میں مرکزی بجٹ 2022-23 پر تقریباً 12 گھنٹے کی بحث کا جواب دیتے ہوئے کہا کہ ملک میں بجٹ اگلے 25 سالوں کی ضروریات کو مدنظر رکھتے ہوئے تیار کیا گیا ہے اور یہ مستقبل کی تصویر ہے۔ انہوں نے کہا کہ ملکی معیشت مضبوط ہو رہی ہے۔ روزگار کی صورتحال بہتر



ہو رہی ہے اور مہنگائی کنٹرول میں ہے۔

انہوں نے کہا کہ 2020-21 میں ملک میں 44 نئے یونیکارن (ایک ارب ڈالر سے زائد مالیت کے یونٹ) بنائے گئے ہیں جن کی تعداد بڑھ کر 83 ہو گئی ہے۔ انہوں نے کہا کہ یہ "اسٹارٹ اپ" ہے جو اس بات کا واضح اشارہ دیتا ہے کہ معیشت بہتر ہو رہی ہے۔

وزیر خزانہ نے کہا کہ کورونا وبا کے بحران میں ملکی معیشت مضبوط ہوئی ہے۔ انہوں نے کہا کہ کورونا وبا نے پوری دنیا کی معیشت کو تہس نہس کر دیا تھا لیکن اس دوران ہندوستان میں 80 ارب ڈالر کی غیر ملکی سرمایہ کاری آئی۔