جموں وکشمیر کی نمائندگی سب سے اہم ہے: راہل گاندھی

سری نگر، 22 اگست (یو این آئی) لوک سبھا میں اپوزیشن لیڈر اور سینئر کانگریس لیڈر راہل گاندھی کا کہنا ہے کہ جموں و کشمیر کے لوگوں کی نمائندگی اور ان کا ریاستی درجہ ہمارے لئے سب سے اہم ہے انہوں نے کہا کہ اسمبلی الیکشن کا اعلان ہوتے ہی ہم نے جموں وکشمیر آنے کا فیصلہ کیا موصوف لیڈر نے ان باتوں کا اظہار جمعرات کو یہاں ہوٹل ریڈیسن میں



پارٹی کارکنوں سے خطاب کے دوران کیا انہوں نے کارکنوں کو مخاطب کرکے کہا: 'آپ کارکن نہیں ہیں بلکہ ہم ایک ہی کنبہ ہیں جوں ہی ہمیں انتخابات کے بارے میں معلوم ہوا تو ہم نے پہلے جموں و کشمیر آنے کا فیصلہ کیا کیونکہ ہم تمام ریاستوں کے لوگوں کو یہ پیغام دینا چاہتے تھے کہ جموں و کشمیر کے لئے لوگوں کی نمائندگی اور ریاستی درجے کی بحالی ہمارے لئے اہم ترین چیز ہے'۔