یوم جمہوریہ تقریب کے مہمان خصوصی سے متعلق میڈیا رپورٹ کی تردید

نئی دہلی، 22نومبر (یو این آئی) حکومت نے اگلے سال یوم جمہوریہ کے مہمان خصوصی سے متعلق میڈیا رپورٹوں کی آج تردید کی کچھ میڈیا رپورٹوں میں کہا گیا ہے کہ 2022 کی یوم جمہوریہ تقریب میں مہمان خصوصی کے طورپر کثیر شعبہ جاتی تکنیکی اور اقتصادی تعاون کے لئے خلیج بنگال پہل (بمسٹیک) کے لیڈروں کو بلایا جاسکتا ہے اس گروپ میں ہندستان کے ساتھ بنگلہ دیش، نیپال، بھوٹا،، میانمار، تھائی لینڈ شامل ہیں وزارت خارجہ کے ترجمان ارندم باگچی نے یہاں اس پر ردعمل ظاہر کرتے ہوئے کہاکہ ہم نے یوم



جمہوریہ تقریب 2022کے مہمان خصوصی کے سلسلہ میں قیاس آرائی پر مبنی میڈیا رپورٹ دیکھی ہے۔ یہ رپورٹ جھوٹ اور بے بنیاد ہے۔

رپورٹ میں کہا گیا ہے کہ وزارت خارجہ یوم جمہوریہ تقریب میں بنگلہ دیش کی وزیراعظم شیخ حسینہ، سری لنکا کے وزیراعظم مہندا راجپکشے یا صدر گوٹ بایا راج پکشے،نیپال کے وزیراعطم شیربہادر دیوبا، بھوٹان کے وزیراعظم لوٹے شیرنگ، تھائی لینڈ کے وزیراعظم پریوت چان او چا اور میانمار کے ریاستی انتطامیہ کونسل کے صدر جنرل من آنگ ہلنگ کو مدعو کرنے کے امکانات پر کام کررہا ہے۔