سی اے اے پر ڈبیٹ کرنے کو تیار ہوں: اکھلیش

لکھنؤ:22 جنوری(یواین آئی)سماج وادی پارٹی(ایس پی)سربراہ وسابق و زیر اعلی اکھلیش یادو نے شہریت(ترمیمی)قانون اور این آر سی پر امت شاہ کے ڈبیٹ کرنے کے چیلنج کو قبول کرتےہوئے کہا کہ وہ اس ضمن میں بی جے پی لیڈروں سے بحث کرنے کو تیار ہیں۔

انہوں کہا کہ اس معاملے پر تقریبا پورا ملک سراپا احتجاج ہے سابق وزیراعلی نے کہا کہ ’’ میں بی جے پی لیڈروں



سے سی اے اے اور این آر سی پر بحث کرنے کو تیار ہوں لیکن بی جے پی کو اقتصادی سست روی،بے روزگاری، غربت اور حکومت کی ہراسانی کے بموجب مرنے والے افراد کے مسائل پر بھی ڈبیٹ کرنا چاہئے‘‘۔

چھوٹے لوہیا کے نام سے مشہورجنیشور مشرا کی برسی کے موقع پر منعقد ایک تقریب سے خطاب کرتےہوئے مسٹر یادو نے کہا بی جے پی حکومت دستور ہند سے کھلواڑ کررہی ہے۔