سابق وزیراعظم راجیو گاندھی کے قتل میں عمرقید کی سزا کاٹ رہے اے جی پیراریولن کو ملی ضمانت

نئی دہلی،9 مارچ (یواین آئی)سپریم کورٹ نے سابق وزیر اعظم راجیو گاندھی کے قتل کے جرم میں عمر قید کی سزا کاٹ رہے اے جی پیراریولن کو بدھ کو ضمانت دے دی جسٹس ایل ناگیشور راو اور جسٹس بی آر گوئی کی بینچ نے قید کے دوران پیراریولن کے ’اچھے چال چلن‘ پر غور کرتے ہوئے اس کی ضمانت عرضی منظور کی بینچ نے پیراریولن کے 30 سال سے زیادہ وقت تک جیل میں قید رہنے اور پیرول پر کئی بار



رہا کئے جانے کے دوران کسی قسم کی شکایت نہ ملنے پر غور کرتے ہوئے اسے ضمانت دی۔

مرکزی حکومت کی جانب سے اڈیشنل سالیسیٹر جنرل کے ایم نٹراج نےسماعت کے دوران اس کی ضمانت عرضی کی زبردست مخالفت کی۔انہوں نے یہ بھی کہا کہ ملزم کو سابق وزیراعظم کے قتل کے معاملے میں پھانسی کی سزا دی گئی تھی،حالانکہ،عدالت نے 2014 میں اسے پہلے ہی راحت دیتے ہوئے اس کی پھانسی کی سزا عمر قید میں بدل دی تھی۔