راجیو گاندھی کے قاتل پیراریولن کی پیرول کی مدت ایک ہفتے اور بڑھی

نئی دہلی،23 نومبر(یواین آئی) سپریم کورٹ نے سابق وزیراعظم راجی گاندھی کے قتل کے مجرم اے جی پیراریولن کی پیرول کی مدت ایک ہفتے اور بڑھانے کی پیر کو ہدایت دی جسٹس ایل ناگیشور راو،جسٹس ہیمنت گپتا اور جسٹس اجے ستوگی کی بینچ نے اے جی پیراریولن کی عرضی کی سماعت کرتے ہوئے تمل ناڈو حکومت کو پیرول کی مدت ایک ہفتے اور بڑھانے کا حکم دیا۔

اتنا ہی نہیں سپریم کورٹ نے



ریاستی حکومت کو یہ بھی حکومت دیا کہ عرضی گزار کی میڈیکل جانچ کے دوران مناسب پولیس سکیورٹی مہیا کرائی جائے۔

پیراریولن 30 اکتوبر کو پیرول پر باہر آیا تھا اور اس کی پیرول کی مدت آج ختم ہورہی تھی۔

اس دوران ،سماعت کے دوران معاملے کی جانچ کرنے والی ایجنسی مرکزی تحقیقاتی بیورو(سی بی آئی) نے سپریم کورٹ کو بتایا کہ پیراریولن کو رہا کرنے میں اس کا کوئی رول نہیں ہے۔