راجناتھ کے ایف اے ٹی ایف بیان سےپاکستان برہم

اسلام آباد،07اکتوبر(یو این آئی) پاکستان نے ہندوستان کےوزیر خارجہ راجناتھ سنگھ کے فنانشل ایکشن ٹاسک فورس آن منی لانڈرنگ(ایف ٹی اے ایف)کے بلیک لسٹ ڈالنے سے متعلق بیان پر اعتراض کرتے ہوئے اسےیف ٹی اے ایف کی کاروائی کو سیاسی رنگ دینے کی کوشش قرار دیتے ہوئے خارج کر دیاپاکستان کی وزارت خارجہ نے پیر کو ایک بیان میں کہا کہ مسٹر سنگھ کا بیان ایف اے ٹی ایف کی کاروائی کو سیاسی رنگ دینے کی ہندوستانی کوشش ہےمسٹر سنگھ نے یکم اکتوبرکویومِ کنٹرولر جنرل آف ڈفینس اکاؤنٹ پروگرام کے موقع پر کہاتھا کہ پیرس واقع ایف اے ٹی ایف پاکستان کو



دہشت گردوں کو مالی امداد کے معاملے میں کبھی بھی پاکستان کوبلیک لسٹ کرسکتاہے۔انہوں نے کہا تھا کہ پاکستان دہشت گردی کے خلاف کاروائی کرنے میں ناکام رہا ہے اور اس کی وجہ سے ایف اے ٹی ایف اس کے خلاف کبھی بھی کاروائی کر سکتا ہے۔

غورطلب ہے کہ ایف اے ٹی ایف نے گذشتہ سال پاکستان کو ’گرے لسٹ‘ میں ڈال دیا تھا۔ ایف اے ٹی ایف نے پاکستان کو گرے لسٹ میں ڈالتے ہوئے رواں برس اکتوبر تک ایک ایکشن پلان دیا تھا۔ ایکشن پلان کے مطابق کام نہ کرنےپر پاکستان کو ایران اور شمالی کوریا کے ساتھ بلیک لسٹ میں ڈالے جانے کے خطرے کا سامنا کرنے کی وارننگ دی گئی تھی۔