راجہ سنگھ نے تلنگانہ اسمبلی انتخابات کو لیکر دیا بیان

حیدرآباد: گوشا محل حلقہ کے MLA اور بی جے پی کے معطل لیڈر راجہ سنگھ نے ان افواہوں کو مسترد کرتے ہوئے کہا کہ وہ بی آر ایس میں شامل نہیں ہوں گے۔ انہوں نے زور دے کر کہا کہ اگر بی جے پی ان کی معطلی کو منسوخ نہیں کرتی ہے تو وہ تلنگانہ اسمبلی انتخابات نہیں لڑیں گے۔

میڈیا نمائندوں سے بات کرتے ہوئے راجہ سنگھ نے کہا کہ وہ کسی ’سیکولر‘ پارٹی میں شامل نہیں ہوں گے۔ انہوں نے یہ بھی واضح کیا کہ وہ تلنگانہ اسمبلی انتخابات میں آزاد امیدوار کے طور پر مقابلہ نہیں کریں



گے۔

اپنے مزید منصوبے پر بات کرتے ہوئے راجہ سنگھ نے کہا کہ اگر بی جے پی ان کی معطلی کو منسوخ نہ کرنے کا فیصلہ کرتی ہے تو وہ ہندو راشٹر کے لیے کام کریں گے۔

تاہم، انہوں نے یقین ظاہر کیا کہ بی جے پی جلد ہی ان کی معطلی کو منسوخ کردے گی، اور وہ زعفرانی پارٹی کے ٹکٹ پر گوشا محل حلقہ سے تلنگانہ اسمبلی انتخابات میں حصہ لیں گے۔

اپنے پہلے بیان کو دہراتے ہوئے انہوں نے کہا کہ گوشا محل اسمبلی حلقہ کے لئے بی آر ایس امیدوار کا فیصلہ اے آئی ایم آئی ایم کے سربراہ اور حیدرآباد کے رکن پارلیمنٹ اسد الدین اویسی کریں گے۔