راہل نے مہنگائی پر مرکز کو بنایا ہدف تنقید، کانگریس نے حکومت سے وائٹ پیپر کا مطالبہ کیا

نئی دہلی، 23 اپریل (یو این آئی) کانگریس کے رکن پارلیمنٹ راہل گاندھی نے ہفتے کے روز مہنگائی پر مرکزی حکومت کو ہدف تنقید بناتے ہوئے کہا کہ حکومت عوام کو لوٹ رہی ہے۔

مسٹر گاندھی نے خوردہ مہنگائی میں اضافے کو مسئلہ بناتے ہوئےیہ بھی کہا کہ لوگوں کو بینکوں میں جمع کرائے گئے پیسوں پر شرحِ مہنگائی کے مقابلے میں بھی پورا سود نہیں مل رہا ہے۔

غور طلب ہے کہ مارچ میں ریٹیل پرائس انڈیکس پر مبنی افراط زر 6.95 فیصد تک پہنچ گیا جبکہ ریزرو بینک کو اسے دو سے چھ فیصد کی حد میں رکھنے کی ذمہ داری دی گئی ہے۔

کانگریس کے سابق صدر مسٹر گاندھی نے ’جن



دھن لوٹ یوجنا‘ ہیش ٹیگ سے ایک ٹویٹ میں کہا،’شرحِ مہنگائی: 6.95 فیصد۔ ایف ڈی (ٹرم ڈپازٹ) سود کی شرح: پانچ فیصد۔ بینک کھاتوں میں 15 لاکھ جمع کروانے کے بعد بھول جائیے، وزیر اعظم نریندر مودی کی چال نے آپ کی محنت سے کمائی ہوئی بچت کو بھی اڑا دیا ہے‘۔

ادھر پارٹی کے ترجمان نے حکومت سے مہنگائی پر وائٹ پیپر لانے کا مطالبہ کیا ہے۔

مہنگائی کے مسئلے پر کانگریس کی ترجمان سپریا شرینیت نے ہفتے کو ایک پریس کانفرنس میں کہا کہ مہنگائی کے سوال پر بحث پٹرول، ڈیزل اور گیس پر ہی اٹکی ہوئی ہے، لیکن 2014 سے اب تک عام ضرورت کی اشیاء کی قیمتیں اور بھی بڑھ گئی ہیں۔