مودی کا دور ختم ہوگیا:راہل

نئی دہلی،8مئی (ایجنسی)کانگریس صدر راہل گاندھی نے وزیر اعظم نریندر مودی پر راست حملہ کرتے ہوئے کہا کہ ملک میں تبدیلی کی لہر چل رہی ہے او ر ہر ووٹر کانگریس کو ووٹ دے رہاہے۔

مسٹر گاندھی نے ٹوئٹ کیا’’ کانگریس کی ’نیائے اسکیم‘ سے متاثر ہوکر پورے ملک میں نہ صرف نوجوان بلکہ تجربہ کار اور بزرگ ووٹر بھی اس اسکیم کی طاقت کو سمجھ رہاہے۔ اسلئے سبھی بڑی تعداد میں ووٹنگ کررہےہیں‘‘۔مودی جی آپ کا وقت اب پورا ہوگیا ہے اور وقت کا بدلاؤ جاری ہے‘‘۔

اس کے ساتھ ہی انہوں



نے ایک ویڈیو بھی پوسٹ کیا ہے جس میں ووٹ سے ملک بدلتے دیکھا ہے ،پہلا ووٹ 1962میں دیا تھا،اب ہوگا نیائے جیسے نعرے لکھے ہیں۔

کانگریس صدر نے فیس بک وال پر بھی ایک پوسٹ کیا ہے جس میں مہنگائی کم کرنے کیلئے لوگوں سے کانگریس کو اقتدار سونپنے کی اپیل کررہے ہیں۔انہوں نے لکھا’’ہم سمجھتے ہیں ،بڑھتی قیمتوں نے عام آدمی کی زندگی پر بھاری بوجھ ڈالا ہے ۔اس بوجھ کو کم کرنے کیلئے کانگریس پارٹی پیٹرول اور ڈیزل کو جی ایس ٹی کو دائرے میں لائے گی اور بڑھتی قیمتوں کو کم کرنے میں مدد کرے گی‘‘۔