آسام میں راہول کی نیائےیاترا کو روکنے پرکرناٹک بھر میں بی جے پی کے خلاف کیاگیااحتجاج

ذرائع:رائچور:آسام میں راہول گاندھی نیائے یاترا کوروکنے پرملک بھر میں احتجاجی مظاہرےکئےجارہے ہیں۔اسی طرح کرناٹک کے دیگرعلاقوں کی طرح رائچورضلع میں بھی جگہ جگہ احتجاج کیاگیا۔ضلع کانگریس کے رہنماؤں نے بی جے پی کے رویے کے خلاف احتجاج کیا جنہوں نے راہول گاندھی کی بس کو روکا جب بھارت جوڈو نیائےیاترا ریاست آسام میں داخل ہو رہی تھی۔

کانگریس قائدین نے رائچورشہرکے ڈاکٹر بی آر امبیڈکر چوک احتجاج کرتے ہوئے نعرے لگائے۔

انہوں نے راہول گاندھی کو مندر میں داخلے سے منع کرنے پر بی جے پی کے خلاف اپنے غصے کا اظہار کیا۔ انہوں نے برہمی کااظہار کرتے ہوئےکہاکہ نریندر مودی کی قیادت میں مرکزی بی جے پی حکومت جمہوری حقوق چھین کر آمریت چلا رہی ہے۔ریاست آسام کے چیف منسٹر کی بربریت کے خلاف



شدید احتجاج کیا گیا۔

آسام میں راہل گاندھی کی قیادت والی بھارت جوڑو نیائے یاترا کو پولیس نے تقریباً دو گھنٹے تک روک دیا۔15ویں صدی کے سنت اور سماجی مصلح سریمنت شنکردیوا کی جائے پیدائش باردووا سے چند کلومیٹرپر پولیس نے روک دیا۔

واضح رہے کہ 14 جنوری کو منی پور سے شروع ہونے والی 67 روزہ نیائےیاترا اروناچل پردیش کے دو روزہ دورے کے بعد اتوار کو آسام میں داخل ہوئی۔ اس وقت بی جے پی کے کارکنوں نے راہول گاندھی کو مندر میں داخل ہونے سے روک دیا۔

احتجاجی پروگرام پارٹی قائدین محمد شاہ عالم،پارسمل سکھانی، جیانا، شانتپا، دارور بسواراج پاٹل، امرےگوڑا ہنچینال، انجنیا کروباڈوڈی، تائی انا نائک، جینت راؤ پتنگے، جی شیومورتی، ارون دوتارابنڈی، رانی رچرڈ، سداما، بسواراج پاٹل اتنور، رمیش یادو، ناگوینی اور دیگرموجود تھے۔