کشمیر میں کمسن بچی کی آبرو ریزی کے خلاف ہڑتال اور مظاہرے

سری نگر، 13 مئی (ایجنسی) شمالی کشمیر کے ضلع بانڈی پورہ کے ملک پورہ ترہگام سمبل Sumbal area میں 8 مئی کو پیش آئے تین سالہ بچی کی آبرو ریزی کے دل دہلانے والے واقعہ کے خلاف وادی کے بیشتر علاقوں میں احتجاجی مظاہروں کا نہ تھمنے والا سلسلہ جاری ہے۔

حریت کانفرنس (ع) کی ایک اکائی جموں



وکشمیر اتحاد المسلمین کی کال پر پیر کے روز وادی کے بیشتر علاقوں میں مکمل ہڑتال کے بیچ احتجاجوں کا سلسلہ بھی جاری رہا۔

جہاں سینکڑوں مقامات پر لوگوں نے اپنے گھروں سے باہر آکر پُرامن احتجاج کیا وہیں قریب ایک درجن جگہوں پر احتجاجیوں کی سیکورٹی فورسز کے ساتھ پُرتشدد جھڑپیں ہوئیں جن میں درجنوں افراد بشمول سیکورٹی فورس اہلکار زخمی ہوئے۔