پہلو خان ​​پر فیصلہ چونکا نے والا: پرینکا

نئی دہلی، 16 اگست (ایجنسی) کانگریس کی جنرل سکریٹری پرینکا گاندھی وڈرا نے آج کہا کہ راجستھان میں پہلوخان قتل کے معاملے میں عدالت کا فیصلہ چونکانے والا ہےمحترمہ واڈرا نے جمعہ کو ایک ٹوئیٹ کرکے کہا ، ’’پہلو خان ​​ معاملے میں نچلی عدالت کا فیصلہ چونکا دینے والا ہے۔ ہمارے ملک میں غیر انسانی سلوک کی کوئی جگہ نہیں ہونی چاہئے اور ہجوم کے ذریعہ قتل کرنا ایک گھناؤنا جرم ہے۔

اہم بات یہ ہے کہ الور کی ایک نچلی عدالت نے پہلو خان ​​قتل



معاملے کے تمام ملزمان کو شک کا فائدہ دیتے ہوئے بری کردیا ہے۔ تاہم ، راجستھان حکومت نے کہا ہے کہ اس فیصلے کے خلاف اپیل کی جائے گی۔ 2017 میں ، پہلو خان کو الور میں گائے کی اسمگلنگ کے شبہ میں لوگوں کے ایک ہجوم نے پیٹ پیٹ کر مار ڈالا تھا۔

ایک اور ٹوئیٹ میں کانگریسی رہنما نے کہا ، ’’ راجستھان حکومت کاہجوم کے ذریعہ قتل کے خلاف قانون بنانے کا اقدام قابل تحسین ہے۔ امید ہے کہ پہلو خان معاملے میں انصاف کرکے اس کی ایک عمدہ مثال قائم کی جائے گی۔ ‘‘