وزیر اعظم نریندر مودی نے پارلیمنٹ کی نئی عمارت کا افتتاح کیا

نئی دہلی: وزیر اعظم نریندر مودی نے اتوار کی صبح پارلیمنٹ کی نئی عمارت کا افتتاح کیا۔

روایتی لباس میں ملبوس مودی گیٹ نمبر 1 سے پارلیمنٹ کے احاطے میں داخل ہوئے اور لوک سبھا کے اسپیکر اوم برلا نے ان کا استقبال کیا۔

وزیر آعظم نرینر مودی نے کئیں سیاسی جماعتوں کی مخالفت کے باوجود بھی، انکی غیر موجودگی میں ہی پارلیمنٹ کا افتتاح کیا۔

کرناٹک کے شرنگیری مٹھ کے پجاریوں کے ویدک نعروں کے درمیان، وزیر اعظم نے پارلیمنٹ کی نئی عمارت کے افتتاح کے موقع پر بھگوانوں سے دعا کرنے کے لیے "گنپتی ہومم" کا مظاہرہ کیا اور قرآن پاک کی تلاوت بھی کی



گئی۔

وزیر اعظم نے "سینگول" کے سامنے سجدہ کیا اور ہاتھ میں مقدس عصا لے کر تمل ناڈو میں مختلف ادینہموں کے اعلیٰ پجاریوں سے دعائیں مانگیں۔

اس کے بعد مودی نے "نادشورم" کی دھنوں اور ویدک منتروں کے جاپ کے درمیان ایک جلوس میں "سینگول" کو پارلیمنٹ کی نئی عمارت تک لے جایا اور اسے لوک سبھا کے چیمبر میں اسپیکر کی کرسی کے دائیں جانب ایک خصوصی دیوار میں نصب کیا۔

اس موقع پر مرکزی وزراء راجناتھ سنگھ، امیت شاہ، ایس جے شنکر اور جتیندر سنگھ، کئی ریاستوں کے وزرائے اعلیٰ اور بی جے پی صدر جے پی نڈا موجود تھے۔

وزیراعظم نے پارلیمنٹ کی نئی عمارت کی تعمیر میں کلیدی کردار ادا کرنے والے کچھ کارکنوں کو مبارکباد دی۔