دیوالی پر صدراور نائب صدر جمہوریہ کی مبارکباد

نئی دہلی/19اکتوبر(ایجنسی) صدرجمہوریہ ہند رام ناتھ کووند نے دیوالی کے موقع پراپنے ہم وطنوں کو مبارکباد پیش کی ۔
اپنے پیغام میں صدرجمہوریہ نے کہا ہے کہ دیوالی کی خوشی اور مسرت کے موقع پر میں تمام ہم وطنوں کو مبارکباد اور نیک خواہشات پیش کرتا ہوں۔
دیوالی کا تہوار اندھیرے پر روشنی، برائی پر اچھائی اور بے انصافی پر انصاف کی جیت کا تہوار



ہے۔

نائب صدرجمہوریہ ہند ایم وینکیا نائیڈو نے روشنی کے تہوار دیوالی کے مقدس موقع پر ملک کے عوام کو مبارکباد دی ہے۔
اپنے پیغام میں انہوں نے کہا ہے کہ دیپاؤلی برائی پر اچھائی کی جیت کو اجاگر کرتی ہےاور ہمیں بھگوان رام کی عظیم اور بہترین اخلاقی اقدارکو اپنانے کی حوصلہ افزائی کرتی ہے۔
انہوں نے مزید کہا کہ بھگوان اس تیوہار پر ہماری زندگی میں روشنی لائے اور ہماری زندگی کو امن، خوشحالی اور خوشیوں سے بھر دے۔