ای پیپر
انگلش ویکلی
خصوصی
زیادہ دیکھے گئے
اوپینین پول
جھارکھنڈ اسمبلی انتخابات 2024 میں کون سی سیاسی پارٹی جیتے گی؟
شہریت (ترمیمی) ایکٹ 2019 کی مخالفت میں سیلم پور میں پُرتشدد مظاہرہ، پولیس نے آنسو گیس کے گولے داغے
Tue 17 Dec 2019, 18:52:25
نئی دہلی،17 دسمبر(یو این آئی) شہریت (ترمیمی)بل (سی اےاے2019) کی مخالفت میں منگل کے روز جمنا پار کے سیلم پور علاقے میں مظاہرین نے جم کر تشدد کیا۔ پولیس کو صورتحال پر قابو پانے کے لیے آنسو گیس کے گولے چھوڑنے پڑے۔ پُر تشدد مظاہرے کے پیش نظر دہلی میٹرو سروس کے سات اسٹیشنوں میں داخلہ بند کر نا پڑا۔
قابل ذکر ہے کہ سی اےا ے کی مخالفت میں اتوار کو جامعہ میں بھی مظاہرہ پرتشدد ہوگیا تھا اور دہلی ٹرانسپورٹ کارپوریشن (ڈی ٹی سی) کی بسوں کو نذر آتش کرنے کے ساتھ ہی کئی دیگر گاڑیاں پھونک دی گئی تھیں۔
سلیم پور میں سی اے اے کی مخالفت کرنے والے مظاہرین نے
جم کر تشدد کیا۔ ڈی ٹی سی کی دو بسوں اورسریع الحرکت دستوں (ریپڈ ایکشن فورس) کی گاڑی کے علاوہ کچھ دیگر گاڑیوں میں توڑپھوڑ کی رپورٹ ہے۔ پولیس پر بھی جم کر پتھراؤ کیا گیا۔ پتھراؤ میں کئی پولیس اہلکاروں کے زخمی ہونے کی خبریں ہیں۔ پولیس نےحالات پر قابو پانے کے لیے آنسو گیس کے گولے بھی داغے۔
جم کر تشدد کیا۔ ڈی ٹی سی کی دو بسوں اورسریع الحرکت دستوں (ریپڈ ایکشن فورس) کی گاڑی کے علاوہ کچھ دیگر گاڑیوں میں توڑپھوڑ کی رپورٹ ہے۔ پولیس پر بھی جم کر پتھراؤ کیا گیا۔ پتھراؤ میں کئی پولیس اہلکاروں کے زخمی ہونے کی خبریں ہیں۔ پولیس نےحالات پر قابو پانے کے لیے آنسو گیس کے گولے بھی داغے۔
پُرتشدد مظاہرے کی وجہ سے دہلی میٹرو ریل سروس کے ویلکم، جعفرآباد، موجپور۔بابرپور ، سیلم پور، گوکُل پور، شیووِہار اور جوہری اینکلیو کے میٹرو اسٹیشنوں میں دخول و خروج کے دروازے بند کرنے پڑے۔ بعد ازاں سلیم پور کے تمام دخول و خروج کے دروازے کھول دیے گئے۔
اس پوسٹ کے لئے کوئی تبصرہ نہیں ہے.
خصوصی میں زیادہ دیکھے گئے
Indian Rupee Converter