بی جے پی نے صرف اپنی تشہیرکے لئے کام کیا ہے: پرینکا

مہاراج گنج: 16 مئی(ایجنسی) کانگریس جنرل سکریٹری و مشرقی اترپردیش کی انچارج پرینکا گاندھی واڈرا نے بی جے پی پر اپنی تشہیر کرنے کا الزام لگاتے ہوئے کہا کہ اس نے گذشتہ پانچ سالوں میں پبلسٹی کے سوا کوئی کا م نہیں کیا ہے۔

کانگریس جنرل سکریٹری نے کہا کہ بی جے پی کی ترجیح صرف اپنی پبلسٹی کی ہے جبکہ دوسری جانب کسان، نوجوان اور غریب ہر قسم کی پریشانیوں سے دو چار ہیں لیکن بی جے پی کو ان سے کوئی سروکار نہیں ہے۔

مہاراج گنج میں صحافت سے سیاسی میدان میں قدم رکھنے



والی کانگریس امیدوار سپریا سرینیٹ کے حمایت میں منعقد انتخابی ریلی سے خطاب کرتے ہوئے مسٹر پرینکا نے الزام لگایا کہ مسٹر مود ی نے کسانوں کے انسورنش پریمیم کے نام پر 10 ہزار کروڑ روپئے سرمایہ کاروں کے جیب میں ڈالا ہے۔

نوٹ بندی اور جی ایس ٹی نے ملک کی معیشت کو کمزور کیا ہے جبکہ منریگا جس نے یو پی اے میعاد کارمیں کسانوں کی مدد کی تھی اسے بھی کمزور کیا گیا ہے۔پرینکا نے دعوی کیا کہ بی جے پی کا واحد مقصد اقتدار حاصل کرنا ہے اور اس کے لئے وہ سب کچھ کرنے کو تیار ہے۔