سرکردہ شخصیات کی موجودگی میں سشماسوراج کی آخری رسم ادا

نئی دہلی، 7 اگست (ایجنسی)تقریباً پانچ دہائیوں تک ہندوستانی سیاست چھائی رہنے والی ایک بہترین سیاستدان ، ایک اچھی مقرر ،بھارتیہ جنتا پارٹی (بی جے پی) کی سینئر رہنما اور سابق وزیر خارجہ سشما سوراج کی آج سرکاری اعزاز کے ساتھ آخری رسم ادا کردی گئی ۔

ان کاکل رات دل کا دورہ پڑنے سے انتقال ہوگیا تھا۔ وہ 67 سال کی تھی۔

دارالحکومت میں لودھی روڈ پر واقع برقی شمشان گھاٹ میں محترمہ سوراج کو ان کے ہزاروں مداحوں ، حامیوں اور کنبہ والوں نے نم آنکھوں کے ساتھ الوداع کہا۔ اس موقع پر نائب صدر ایم وینکیا نائیڈو ، وزیر اعظم نریندر مودی ، لوک سبھا اسپیکر اوم برلا ، سابق نائب وزیر اعظم لال کرشن اڈوانی ، راجیہ سبھا میں قائد حزب اختلاف غلام نبی آزاد ، بی جے پی صدر اور وزیر داخلہ امت شاہ ، وزیر دفاع



راجناتھ سنگھ ، وزیر خزانہ نرملا سیتا رمن ، وزیر قانون روی شنکر پرساد ، وزیر اطلاعات و نشریات پرکاش جاوڈیکر ، مرکزی وزیر اسمرتی ایران نی سمیت کئی مرکزی وزیر اور دہلی کے وزیر اعلی اروند کیجریوال، نائب وزیر اعلی منیش سسودیا، راجستھان کے وزیر اعلی اشوک گہلوت، ہریانہ کے وزیر اعلی منوہر لال، کئی ریاستوں کے وزیر اعلی موجود تھے۔ اس کے علاوہ قومی جمہوری اتحاد کے اہم رہنما سنجے راوت اور رام داس اٹھاولے بھی موجود تھے۔ اس موقع پر حزب اختلاف کی بڑی جماعتوں کے اہم قائدین بھی موجود تھے۔ اس موقع پر بھوٹان کے سابق وزیر اعظم سیرنگ ٹوبگے سمیت متعدد ممالک کے نمائندے موجود تھے۔

محترمہ سوراج کی بیٹی بانسری سوراج نے ریتی رواج کے ساتھ آخری رسومات ادا کیں ۔ اس کے بعد محترمہ سوراج کے اعزاز میں ماتمی دھن بجائی گئی ۔