سکارلیٹ فیور،سرخ رنگ کے بخار کو لیکر حیدرآباد کی عوام میں تشویش

ذرائع:

حیدرآباد:اسکارلیٹ فیور،سرخ رنگ کے بخارکو لیکر حیدرآباد کی عوام میں تشویش پائی

 جارہی ہے۔ شہر میں سرخ رنگ کا بخار تیزی سے پھیل رہا ہے۔ جس سے شہر کے بچوں کے اسپتالوں میں ہجوم دیکھاجارہاہے۔ ڈاکٹروں کا کہنا ہے کہ بخار کے 20 متاثرین میں سے جو کارپوریٹ اسپتالوں میں بچوں کے وارڈ میں آتے ہیں، ان میں سے تقریباً 10-12 میں سرخ رنگ کے بخار کی علامات پائی جارہی ہیں۔

ڈاکٹروں کا کہنا ہے کہ بعض کیسس میں اس مرض میں مبتلا بچوں کی حالت تشویشناک ہے، اس لئے انہیں اسپتال میں زیر علاج رکھا جا رہا ہے۔ سابق میں اس بیماری کا پھیلاؤ تیزی سے کم ہو گیا تھا۔ لیکن ایک بار پھر یہ بیماری بچوں میں کچھ عرصے سے عروج پر ہے۔ طبی ماہرین کا کہنا ہے کہ اس بخار کی علامات خاص طور پر سرکاری اسپتالوں میں آنے والے بچوں میں نظر آتی ہیں۔

موجودہ صورتحال میں ماہرین کا مشورہ ہے کہ 5 سے 15 سال کی عمر کے بچوں میں بخار، کھانسی اور گلے میں خراش جیسی علامات ظاہر ہونے پر فوری علاج کرایا جائے۔ اس کے علاوہ طبی ماہرین نے خبردار کیا ہے کہ اگر آپ یہ سوچ کر علاج کرنے میں کوتاہی کرتے ہیں کہ یہ وائرس کی علامت ہے تو اسپتال میں داخل ہونے کا خطرہ ہے۔

یہ بخار streptococcal



pharyngitis کے بیکٹیریا کی وجہ سے ہوتا ہے۔ یہ ایک شخص سے دوسرے میں منتقل ہوتا ہے۔ یہ بیماری متاثرہ بچوں کے کھانسی اور چھینک کے وقت نکلنے والی بوندوں سے پھیلتی ہے۔ غلطی سے اگر متاثرہ بچوں کو چھینک اور کھانسی آ جائے، اپنے ہاتھ منہ کےقریب رکھیں اور پھر ہاتھ دھوئیں۔ اگر ہاتھ دھوئےبغیر دوسرے بچوں کو چھو لیں تو یہ مرض صحت مند بچوں میں بھی منتقل ہوتا ہے۔

اسی لئے طبی ماہرین کا مشورہ ہے کہ والدین اور سرپرست بچوں اور گھرکے ماحول کو صاف ستھرا رکھیں۔ اس کے علاوہ، شہر کے بعض نجی اسکولوں کی جانب سے پہلے ہی واٹس ایپ پیغامات بھیجے گئے ہیں جس میں والدین کو سرخ رنگ کے بخار کے بارے میں خبردار کیا گیا ہے۔ اگر بچوں میں درج ذیل علامات ظاہر ہوں تو انہیں فوری طور پر ڈاکٹر سے رجوع کرنا چاہیے۔ یہ مشورہ دیا جاتا ہے کہ جب تک بیماری کم نہ ہو جائے بچوں کو اسکول نہ بھیجیں۔

 بیماری کی علامات اس طرح ہیں :-

102 ڈگری کا بخار

پیٹ میں درد، جسم پر خراش

سر درد، متلی، الٹی

  اچانک گلے میں خراش

گلے اور زبان پر سفید کوٹنگ

زبان کی اسٹرابیری کی رنگت

ٹانسلس سرخ رنگ میں بڑے دکھائی دیتے ہیں۔