پاکستان :سپریم کورٹ ڈپٹی اسپیکرکے فیصلے کی قانونی حیثیت پر غور کرےگا

اسلام آباد 4 اپریل (یو این آئی) سپریم کورٹ آف پاکستان پیر کو وزیر اعظم عمران خان کے خلاف قومی اسمبلی کے ڈپٹی اسپیکر قاسم سوری کی تحریک عدم اعتماد کو مسترد کرنے کی قانونی حیثیت پر غور کرے گا پاکستان کے اخبار ڈان نے اپنی رپورٹ میں یہ اطلاع دی اس سے قبل اتوار کو سپریم کورٹ نے ملک کی موجودہ صورتحال کا ازخود نوٹس لیا تھا اور مختصر سماعت کے بعد تحریری حکم نامہ جاری کیا تھا، جس میں کہا گیا تھا کہ عدالت اس بات کا جائزہ



لینا چاہے گی کہ آیا اس طرح کی کارروائی (آئین کے آرٹیکل 5 کے تحت تحریک عدم اعتماد کو خارج کرنا) کو آئین کے آرٹیکل 69 میں درج اخراج (عدالت کے دائرہ اختیار سے ہٹانے) سے تحفظ حاصل ہے۔

عدالت نے تمام سیاسی جماعتوں اور انتظامیہ کے اہلکاروں کو حکم دیا کہ وہ موجودہ صورتحال سے فائدہ نہ اٹھائیں اور سختی سے آئین کے دائرے میں رہیں۔ عدالت نے سیکرٹری داخلہ اور دفاع کو ملک میں امن و امان کی صورتحال سے آگاہ کرنے کی بھی ہدایت کی ہے۔