ہمارا اور مسلمانوں کا ڈی این اے ایک نہیں ہے: جموں و کشمیر میں ہندوتوا رہنما

جموں میں ایک انتر راشٹریہ ہندو پریشد (اے ایچ پی) کے رہنما نے مسلمانوں کے خلاف تشدد کو بھڑکاتے ہوئے ہندوؤں سے "تلوار اٹھانے اور جنگ کے لیے تیار رہنے" کا مطالبہ کیا۔ ماضی قریب میں یہ پہلی بار ہوا ہے کہ جموں و کشمیر جو اس وقت مرکز کے زیر انتظام علاقہ ہے، جس میں عوامی سطح پر نفرت انگیز تقریر کی گئی ہے۔

ٹوئٹر پر جاری کی گئی ویڈیو میں اے ایچ پی کے نامعلوم رہنما کو لوگوں کو یہ کہتے ہوئے سنا جا سکتا



ہے کہ جنگ کوئی نئی چیز نہیں ہے اور یہ ماضی میں بھی ہوتی رہی ہے۔ یہ پروگرام جموں ڈویژن کے سانبہ ضلع کے گھگوال میں منعقد ہوا۔ نفرت انگیز تقریر کی ویڈیو منگل کو ملی۔

ٹوئٹر پر سامنے آنے والی وائرل ویڈیو میں اے ایچ پی لیڈر کو ایک ہال میں لوگوں سے خطاب کرتے ہوئے اور لوگوں سے پوچھتے ہوئے دیکھا جا سکتا ہے کہ کیا ہندو اور مسلمانوں کا ڈی این اے ایک جیسا ہے؟ سامعین کو "نہیں" کے ساتھ جواب دیتے ہوئے سنا جا سکتا ہے۔ ویڈیو کو ٹوئٹر پر ہندوتوا واچ نامی صفحہ نے جاری کیا ہے۔