ملک کی معاشی صورتحال پر مودی بیان دیں: راہل

نئی دہلی، 12 مارچ (یو این آئی) کانگریس کے سابق صدر راہل گاندھی نے کہا ہے کہ وزیر اعظم نریندر مودی اور ان کی پالیسی نے معیشت کو تباہ کر دیا ہے اور ملک کی معاشی صورتحال بے حد خراب ہوگئی ہے لہٰذا مسٹر مودی کو اس بارے میں بیان دینا چاہیے۔

مسٹر گاندھی نے پارلیمنٹ کے احاطے میں جمعرات کو صحافیوں سے کہا کہ شیئر بازارمیں جو ہورہا ہے اس سے لاکھوں افراد کا کروڑوں کا نقصان ہوا ہے۔ ہندوستان کی معیشت کو



مسٹر مودی اور ان کی پالیسی نے تباہ کر دیا ہے۔ درست بات یہ ہے کہ انھیں معیشت کی اطلاع نہیں ہے لیکن جو معاشی صورتحال پیدا ہوئی ہے اس کے پیش نظر وزیر اعظم کو معلومات دینی چاہیے۔

انہوں نےکہا کہ ڈاکٹر منموہن سنگھ نے ملک کی معیشت کو بہترڈھنگ سے چلایا ہے اور اس کی وجہ یہ ہے کہ کانگریس معیشت کو درست ڈھنگ سے سمجھتی ہے۔ معیشت کو کیسے آگےبڑھانا ہے‘کانگریس کو اس کا فہم ہے لیکن مسٹر مودی یہ نہیں سمجھتے ہیں۔