نامپلی کی صنعتی نمائش میں مزید تین دن تک توسیع،18فروری تک جاری رہے گی نمائش

ذرائع:

حیدرآباد:نامپلی ایگزیبیشن سوسائٹی نے شہریاں حیدرآبادکو ایک خوشخبری دی ہے۔سوسائٹی کی جانب سے جاری کردہ ایک اعلان میں کہا گیا ہے کہ صنعتی نمائش جاریہ مہینے کی 18 تاریخ تک جاری رہےگی۔شیڈول کے مطابق،صنعتی نمائش 15فروری کو ختم ہونے والی تھی۔ لیکن نمائشی



سوسائٹی نے اعلان کیا ہے کہ صنعتی نمائش کی آخری تاریخ میں مزید 3 دن تک اضافہ کیا جائے گا۔واضح رہے کہ جیسے جیسے نمایش کی آخری تاریخ قریب آرہی ہے،لوگوں کی بھیڑ میں اضافہ ہوتاجارہاہے۔نمائش میں کل لوگوں کی ایک بڑی تعداددیکھی گئی۔واضح رہے کہ صنعتی نمائش ہرسال یکم جنوری کو شروع ہوکر 15 فروری کو ختم ہوتی ہے۔