امریکی حکام کا مسلم خاتون صحافی سے توہین آمیز سلوک

واشنگٹن/26اگست(ایجنسی) امریکہ کےدارالحکومت واشنگٹن میں ایرپورٹ حکام نے 27 سالہ مسلم خاتون کے ساتھ اہانت آمیز سلوک کرتے ہوئے اسکریننگ کے دوران ان سے خصوصی ایام میں استعمال  کیے جانے والے سینٹری پیڈز دکھانے کا مطالبہ کیا جس کی وجہ سے انہیں سخت ذہنی اذیت کا سامنا کرنا پڑا۔ عہدیداروں نے ان کے ساتھ اس طرح نازیبا اور گھٹیارویہ اختیار کیا کہ وہ بے اختیار رو پڑیں۔ امریکی ویب سائٹ ہفنگٹن پوسٹ Huffington Post  کی رپورٹ کے مطابق ریاست فلوریڈا کےشہر اور لینڈو کی ساکن 27 سالہ Zainab Merchant  زینب مرچنٹ



کو جوHarvard University ہارورڈ کی گریجویٹ ہیں۔ حال ہی میں بوسٹن سے واشنگٹن ڈی سی کے سفر کے دوران ٹرانسپورٹیشن سیکوریٹی ایڈمنسٹریشن (ٹی سی اے) Transportation Security Administration حکام  نے تلاشی کے بہانے تضحیک کا نشانہ بنایا۔ حکام نے ناشائستہ انداز میں ان کی جامہ تلاشی لی اور اضافی تلاشی کے لیے علیحدہ کمرے میں چلنے کا مطالبہ کیا۔ رپورٹ کے مطابق ایرپورٹ حکام نے اسکریننگ کے دوران زینب سے مطالبہ کیا کہ وہ ایک خصوصی کمرے میں چل کر اضافی تلاشی دیں۔ رپورٹ میں بتایا گیا ہے کہ اگرچہ زینب نے ایئرپورٹ حکام کو بتایا کہ ان دنوں ان کے خصوصی ایام چل رہے ہیں اور انہوں نے ان کی ایک نہ مانی اور انہیں خصوصی کمرے میں چل کر اضافی تلاچی دینے کو کہا۔