مشرف فاروقی نےجنوبی تلنگانہ پاور ٹرانسمیشن کمپنی کے چیئرمین اور منیجنگ ڈائریکٹر کی حیثیت سے چارج حاصل کرلیا

حیدرآباد: آئی اے ایس آفیسرمشرف فاروقی نےجنوبی تلنگانہ پاور ٹرانسمیشن کمپنی کے چیئرمین اور منیجنگ ڈائریکٹر کی حیثیت سے جی رگھوما ریڈی سے چارج حاصل کرلیاہے۔ 

واضح رہے کہ مشرف فاروقی نے 2014 میں IIT مدراس سے الیکٹریکل انجینئرنگ میں گریجویشن کیا۔ اور بعد میں وہ سیول سرویسس کے لئے منتخب ہوئے۔ انہوں نےاس سے قبل گریٹر حیدرآباد میونسپل کارپوریشن میں ایڈیشنل کمشنر، نرمل ،ضلع کلکٹر اور محکمہ ایکسائز میں



ڈائریکٹر کی حیثیت سے خدمات انجام دیں۔

سی ایم ڈی کی حیثیت سے چارج حاصل کرنےکے بعد کمپنی کے ڈائریکٹرز کے ساتھ محکمہ واری طورپر جائزہ اجلاس منعقد کیا۔ انہوں نے اس موقع پرکہاکہ ریاستی حکومت برقی کے محکمے کو خصوصی ترجیح دے رہی ہے، حکومت کے مقرر کردہ اہداف کے مطابق کام کرنا اور صارفین کو بہتر خدمات فراہم کرنا۔

اس پروگرام میں ادارے کے ڈائرکٹر ٹی سری نواس، جے سری نواس ریڈی، کے رامولو،سی ایچ مدن موہن راؤ، جی پاروتھم، ایس سوامی ریڈی، جی گوپال اور دیگر افسران نے شرکت کی۔