اراکین پارلیمنٹ کے کورونا کے سلسلے میں احتیاط برتیں: وینکیا

نئی دہلی، 19 مارچ (یو این آئی) راجیہ سبھا کے چیئرمین ایم وینکیا نائیڈو نے جعمہ کے روز اراکین پارلیمنٹ سے کورونا وبا کے حوالے سے احتیاط برتنے، مرکزی اور ریاستی حکومتوں کو اس بابت دی گئی ہدایات پر عمل درآمد کرنے کی درخواست کی مسٹر نائیڈو نے پارلیمنٹ کی کاروائی شروع کیے جانے کے بعد کہا کہ ریاستوں سے آئی رپورٹ سے معلوم ہوا ہے کہ کورونا بڑھ رہا ہے۔ تمام اراکین اس کے مد نظر اضافی احتیاط



برتیں۔ انہوں نے کہا کہ عوامی نمائندہ ہونے کے ناطے اراکین پارلیمنٹ کو عوام سے ملنا ہوتا ہے جس کے دوران وزارت صحت کی ہدایات پر عمل درآمد کیا جانا ضروری ہے۔

انہوں نے کہا کہ اراکین پارلیمنٹ کو بھی عوام میں کورونا کے سلسلے میں بیداری لانی چاہیے۔ انہوں نے کہا کہ کئی مقامات پر عوام احتیاط نہیں برت رہے ہیں۔

انہوں نے اراکین پارلیمنٹ اور ان کے اہل خانہ کے اراکین کو کورونا ٹیکہ لگوانے کا مشورہ دیا۔