کورونا کے 3.61 لاکھ سے زائد نمونوں کی جانچ کی گئی

نئی دہلی، 18 جولائی (یواین آئی) گذشتہ 24 گھنٹوں کے دوران ، ملک بھر میں کورونا وائرس کووڈ ۔19 کے ریکارڈ 3،61،024 نمونوں کا ٹسٹ کیا گیا ہے۔

ہفتہ کو انڈین کونسل آف میڈیکل ریسرچ (آئی سی ایم آر) کے جاری کردہ اعداد و شمار کے مطابق ، گذشتہ 24 گھنٹوں کے دوران ملک بھر میں کورونا وائرس کے 3،61،024 نمونوں کاٹسٹ کیا گیا ،



جس میں اب تک ٹسٹ کیے گئے نمونوں کی تعداد 1،34،33،742 ہوگئی ہے۔

ملک میں کورونا ٹسٹ لیبز کی تعداد بھی بڑھ کر 1،253 ہوگئی ہے۔ تحقیقات کی رفتار کو تیز کرتے ہوئے ، گذشتہ 24 گھنٹوں کے دوران ملک بھر میں کورونا انفیکشن کے 34،884 نئے معاملے رپورٹ ہوئے ہیں ، جس سے کورونا انفیکشن کے فعال معاملات کی تعداد 3 لاکھ 58 ہزار 692 ہوگئی ہے۔