مودی ملک کو برباد کررہے ہیں: راہل

نئی دہلی، 30جولائی (یو این آئی) کانگریس کے سابق صدر راہل گاندھی نے وزیراعظم نریندر مودی پر سخت حملہ کرتے ہوئے کہا کہ ہمارے ملک کے شہریوں کو نوٹوں کی منسوخی جیسے قدم کی بھاری قیمت چکانی پڑی ہے اور ان کی پالیسیوں کی وجہ سے ملک برباد ہورہا ہے مسٹر گاندھی نے جمعرات کو کہا مودی ملک کو برباد کررہے ہیں۔ نوٹوں کی منسوخ، جی ایس



ٹی، کورونا وبا میں بدانتظامی اور معیشت اور روزگار کا ستیہ ناش۔ ان کے سرمایہ دا رانہ میڈیا نے ایک مایہ جال رچا ہے۔ یہ برم جلد ہی ٹوٹے گا۔

اس کے ساتھ ہی مسٹرگاندھی نے ایک خبر پوسٹ کی ہے جس میں کہا گیا ہے کہ حکومت نے پارلیمانی کمیٹی کو بتایا کہ کورونا اور لاک ڈاون کے سبب ملک میں تقریباً دس کروڑ ملازمتوں کو خطرہ لاحق ہوگیا ہے۔