مودی نے ویانا حملے پر افسوس کا اظہار کیا

نئی دہلی،3 نومبر(یواین آئی)وزیراعظم نریندر مودی نے آسٹریا کے ویانا میں دہشت گردانہ حملے پر گہرے دکھ کا اظہار کرتے ہوئے منگل کو کہا کہ ہندوستان اس بحران کے وقت میں اس کے ساتھ کھڑا ہے مسٹر مودی نے آج ٹویٹ کیا،’’ ویانا میں بزدلی کا ثبوت دیتے ہوئے کئے گئے دہشت گردانہ حملے کی خبر بہت حیران کن اور تکلیف دہ ہے۔ ہندوستان



اس پریشانی کے وقت میں آسٹریا کے ساتھ کھڑا ہے۔میری تعزیت متاثرین اور ان کے لواحقین کے ساتھ ہے۔‘‘

واضح رہے کہ پیر کو ویانا میں نامعلوم لوگوں کے ایک گروپ نے فائرنگ کردی جس میں دو لوگوں کی موت ہوگئی اور ایک پولیس اہلکار سمیت کئی دیگر زخمی ہوگئے ہیں۔ایک حملہ آور بھی مارا گیا ہے اور دیگر حملہ آوروں کی تلاش کی جارہی ہے۔