آسام کے نئے وزير اعلی بسوا شرما کو مودی کی مبارکباد

نئی دہلی، 10 مئی (یو این آئی) وزیر اعظم نریندر مودی نے آسام کے نئے وزیر اعلی کے بطور حلف لینے پر ہمنت بسوا شرما کو مبارکباد دی ہے وزیر اعظم نے پیر کے روز ایک ٹویٹ میں کہا کہ "ہمنت بسوا شرما اور آج حلف اٹھانے والے تمام وزراء کو مبارکباد۔ مجھے یقین ہے کہ ان کی ٹیم آسام کے ترقیاتی سفر کو مزید تیز کرے گی اور لوگوں کی توقعات پر پورا اترےگی" قابل ذکر ہے کہ مسٹر ہیمنت بسوا شرما



نے آج ریاست کے نئے وزیر اعلی کی حیثیت سے حلف لیا ہے۔

مسٹر نریندرمودی نے پارٹی لیڈر اور ریاست کے سابق وزیر اعلی سروانند سونوال کے کردار کی بھی تعریف کی۔ انہوں نے ٹویٹ کیا کہ "میرے اہم ساتھی سروانند سونوال جی پچھلے پانچ سالوں میں ریاست کے لوگوں اور ترقی پسند انتظامیہ کے مرکز میں رہے ہیں۔ انہوں نے آسام کی ترقی اور ریاست میں پارٹی کو مضبوط بنانے میں بے پناہ تعاون کیا ہے۔