ونڈوز 10 او ایس استعمال کرنے والے صارفین کو چونکا دینے والی خبر،میکرو سافٹ کااہم فیصلہ(اعتماد)

ذرائع:

کیا آپ Windows 10 OS استعمال کر رہے ہیں؟ اورآپ کے لئے چونکا دینے والی خبرہے۔آپ کا لیپ ٹاپ/کمپیوٹر مائیکروسافٹ کی جانب سے سیکیورٹی خدمات حاصل نہیں کرے گا۔ بتایا جارہا ہے کہ Windows 10 OS کے لئے سروس سپورٹ 14 اکتوبر 2025 سے بند ہونے کے لئے تیار ہے۔ اگر یہ بات درست ہے تو.. Canalys Research (کینالیس ریسرچ) نے انکشاف کیا ہے کہ مائیکروسافٹ کمپنی کے اس فیصلے سے دنیا بھر کے 24 کروڑ کمپیوٹر بیکار ہو جائیں گے۔ اس سلسلے میں ایک رپورٹ جاری کی گئی ہے۔

کینیلیس ریسرچ کے مطابق، اگر مائیکروسافٹ ونڈوز 10 او ایس کو سپورٹ کرنا بند کر دیتا ہے، تو مائیکروسافٹ کی جانب سے کوئی سیکیورٹی اپ ڈیٹ نہیں ہوگا۔ اس کے نتیجے میں ایسی صورتحال پیدا ہوتی ہےتو صارفین کو مجبور ہوکرنئے کمپیوٹر خریدنا پڑسکتاہے۔ نالس ریسرچ انسٹی ٹیوٹ کے مطابق نئے کمپیوٹرز کی خریداری سے تقریباً 48 کروڑ کلو گرام الیکٹرانک کچرہ ضائع ہو جائے گا۔ یہ 3.2 لاکھ



کاروں کے کچرے کے برابر ہے۔ تاہم، اس نے کہا کہ اس کچرے میں ہارڈ ڈرائیوز کو ڈیٹا اسٹوریج ڈیوائس کے طور پر استعمال کیا جا سکتا ہے۔ باقی RAM، مدر بورڈ اور دیگر اسپیئر پارٹس کو مناسب ری سائیکلنگ کے ذریعے استعمال کیا جا سکتا ہے۔ لیکن اگر انہیں صحیح طریقے سے ری سائیکل نہیں کیا گیا تو ان کا ماحول پر شدید اثر پڑ سکتا ہے۔

اگرچیکہ Windows 10 OS کے لئے سپورٹ بند ہونے کے باوجود ان کو مزید چند سالوں تک استعمال کیاجاسکتاہے۔ لیکن کینیلیس ریسرچ کا خیال ہے کہ حفاظتی اپ ڈیٹس کے بغیر آلات کی مانگ بہت کم ہوگی۔ اگرچہ ونڈوز 10 او ایس کے لئے سپورٹ بند کرنے کا فیصلہ کیا گیا ہے لیکن ایسا لگتا ہے کہ مائیکروسافٹ کے پاس ایک اور تجویز ہے۔ اس نے سالانہ فیس کی تجویز کے ساتھ اکتوبر 2028 تک سیکیورٹی اپ ڈیٹ فراہم کرنے کی تجویز پیش کی ہے۔ اس سے صارفین کو بہت کچھ ملے گا۔وہ اپنے پرانے کمپیوٹرز کو مزید کچھ سالوں تک بغیر ای ویسٹ کے استعمال کر سکیں گے۔