ممتا بنرجی نے گوا میں بجایا انتخابی بگل

پنجی، 29 اکتوبر (یو این آئی) مغربی بنگال کی وزیر اعلیٰ اور ترنمول کانگریس کی سربراہ ممتا بنرجی نے جمعہ کے روز گوا میں اپنی پارٹی کی انتخابی مہم کا آغاز کیا۔ گوا میں اگلے سال کے اوائل میں اسمبلی انتخابات ہونے جا رہے ہیں اور محترمہ ممتا ریاست کے تین روزہ سیاسی دورے پر ہیں۔

محترمہ ممتا نے اگلے عام انتخابات میں ان کے وزیر اعظم کے عہدے کی دعویداری کے ساتھ اترنے کے امکانات کے بارے میں پوچھا گیا تو انہوں نے کوئی واضح جواب نہیں دیا ۔ نامہ نگاروں نے یہاں آج جب محترمہ ممتا سے سوال کیا کہ وہ اگلے عام انتخابات میں وزیر اعظم کے عہدے کی



دوڑ میں شامل ہوں گی ، تو ان کا جواب تھا ’’ اگر میں آپ کو سب بتا دوں تو میں بعد میں کیا بولوں گی ‘‘۔

انہوں نے ساتھ ہی یہ بھی کہا ’’ وزیر اعظم کے عہدے کے لیے الیکشن آپ کیوں نہیں لڑتے؟ آپ بھی میڈیا ہو ۔ آپ الیکشن بھی لڑ سکتے ہیں‘‘۔ وزیر اعلیٰ ممتا نے کہا ’’ ہم شفاف ہیں۔ ہم چھپ کر نہیں کھیلتے۔ ہم ایک شفاف پارٹی ہیں‘‘۔ قابل ذکر ہے کہ مغربی بنگال اسمبلی کے انتخابات میں ترنمول پارٹی کی زبردست جیت کے بعد یہ قیاس آرائیاں کی جا رہی ہیں کہ 2024 کے انتخابات میں کسی بھی اپوزیشن محاذ میں ترنمول پارٹی اپنے مرکزی کردار کے لئے دعویٰ کر سکتی ہے۔