مہاتما گاندھی کی تحریک موثر نہیں تھی، نیتا جی سبھاش چندر بوس نے آزادی دلائی، تمل ناڈو کے گورنر کا دعویٰ

ذرائع:

چینئی:تمل ناڈو کے گورنر آر این روی نے منگل کو نیتا جی سبھاش چندر بوس کو یاد کیا۔ انہوں نے کہا کہ فوجی سرگرمیاں مسلح افواج میں بغاوت کا باعث بنی جس کی وجہ سے ہندوستان کو برطانوی راج سے آزادی حاصل ہوئی۔ گورنر نے یہ بھی کہا کہ 42 کے بعد مہاتما گاندھی کی قیادت میں قومی آزادی کی تحریک زیادہ کارگر نہیں رہی۔ انہوں نے یہ بھی دعویٰ کیا کہ



انڈین نیشنل کانگریس کی عدم تعاون کی تحریک ناکام ہو چکی تھی۔ نیتاجی سبھاش چندرابوس کی 127 ویں یوم پیدائش کے موقع پر، جو یہاں انا یونیورسٹی میں پراکرم دیوس کے طور پر منایا جاتا ہے، گورنرآراین روی نے کہاکہ مہاتما گاندھی کی تحریک آزادی کا انگریزوں پر اثرکم سے کم تھا۔ اسےسابق برطانوی وزیر اعظم کلیمنٹ ایٹلی نے قبول کیا جنہوں نے ہندوستان کو آزادی دینے کے فیصلے پر دستخط کیے تھے۔