مہارشاٹرا اسمبلی انتخابات: اکبرالدین اویسی کی مہاراشٹرا روانگی

حیدرآباد،4 نومبر(اعتماد) مہاراشٹرا میں اسمبلی انتخابات کی تیاریاں زوروں پر ہے، اور سیاسی پارٹیاں اپنے انتخابی جلسوں اور ریالیوں میں سرگرم ہیں- اسی اثنا میں اے آئی ایم آئی ایم کے فلور لیڈر اور چندرائن گٹہ اسمبلی حلقہ سے رکن اسمبلی اکبرالدین اویسی مہاراشٹرا میں 5 نومبر بروز منگل، اپنے پارٹی امیدواروں کے حق میں انتخابی جلسہ میں حصہ لینے اورنگ آباد کے لیے روانہ ہوئے- وہاں اکبرالدین اویسی



اورنگ آباد کے عام خاص میدان میں انتخابی جلسہ سے خطاب کریں گے، بتادیں کہ جب سے اکبرالدین اویسی کے آنے کی خبر عام ہوئی ہے، مقامی عوام میں کافی جوش و خروش دیکھا جارہا ہے- بتادیں کہ مہاراشٹرا میں انتخابات کے لیے ووٹنگ 20 نومبر کو ہونی ہے- اور نتائج 23 نومبر کو جاری کردیئے جائیں گے- مجلس نے مہاراشٹرا سے اپنے 14 سے زائد امیدوار انتخابی میدان میں اتارے ہیں- امید کی جارہی ہے کہ اس الیکشن میں مجلس کنگ میکر ثابت ہوگی-