مہاراشٹر : بھیونڈی میں دارالعلوم دیوان شاہ کے26 طلبہ غذائی آلودگی کا شکار، اسپتال میں داخل

بھیونڈی : ایک طرف جہاں وزیراعظم مودی نےسووچھ بھارت ابھیان چھیڑ رکھی ہے، وہیں اس کو اب عوام نے صرف ایک نعرے تک ہی محدود کردیا ہے۔ اس کی تازہ مثال مہاراشٹر کے بھیونڈی میں دیکھنے کو ملی ، جہاں  درجنوں طلبہ غذائی آلودگی کے سبب بیمار ہوگئے ہیں اور اسپتال میں زیر علاج ہیں۔

بھیونڈی کے دیوان روشن باغ پر واقع دارالعلوم و یتیم خانہ دیوان شاہ میں سینکڑوں بچوں کی رہائش و قیام کا انتظام ہے ۔ یہاں رات میں اس وقت کہرام مچ گیا جب 42 بچوں کے پیٹ درد شروع ہوگیا ۔ ان بچوں کو چکر کے ساتھ ساتھ الٹی بھی ہونے لگی ۔تاہم ان بچوں کو



فوری طور اندرا گاندھی سول اسپتال لےجایا گیا ، جہاں کچھ کو ابتدائی علاج کے بعد ڈسچارج کر دیا گیا لیکن ان میں سے 26 بچوں کی حالت زیادہ خراب ہونے کی وجہ سے ممبئی کےنائراسپتال بھیج دیا گیا۔ ان میں سے 5 بچوں کی حالت انتہائی نازک بتائی جا رہی ہے ۔

مدرسہ انتظامیہ کے مطابق ڈیڑھ سو بچے دوپہر میں نیاز کھانے کیلئے ایک شخص کے یہاں گئے تھے، وہاں سےآنے کے بعد ہی ان کی طبیعت بگڑ گئی ۔ ادھر بھیونڈی پولیس معاملہ کی تفتیش میں مصروف ہوگئی ہے۔ بھیونڈی کے میئرجاوید دلوی، کانگریس صدر شعیب گڈو اوردیگر نے ممبئی جاکربچوں کی عیادت کی وڈاکٹروں سے بات کی ۔