شری رام گوشت خورتھے،این سی پی کے رکن اسمبلی جتیندراوہاڑ کاتبصرہ،بی جے پی نے پولیس سے کی شکایت

ذرائع:

نئی دہلی:این سی پی شرد پوار گروپ کے رکن اسمبلی اور سابق وزیر جتیندر اوہاڑ کی مشکلات بڑھتی جارہی ہیں۔ بھارتیہ جنتا پارٹی نے پر لارڈرام کے بارے میں نازیبا تبصرہ کرنے پر ممبئی کے گھاٹ کوپر پولیس اسٹیشن میں رکن اسمبلی جتیندر اوہاڑ کے خلاف شکایت درج کروائی ہے۔ بی جے پی ایم ایل اے نے پولس اسٹیشن پہنچ کر این سی پی ایم ایل اے



کے خلاف شکایت درج کرائی ہے۔

واضح رہے کہ جتیندر اوہاڑ نے کہا تھاکہ رام ہمارے ہیں، وہ بہوجن کے ہیں۔ رام شکار کر کے کھاتے تھے۔ آپ کیوں چاہتے ہیں کہ ہم سبزی خور بن جائیں لیکن ہم رام کو اپنا آدرش سمجھ کر مٹن کھاتے ہیں؟ یہ رام کا آدرش ہے۔ 14 سال تک جنگل میں رہنے والا سبزی خور کھانے کی تلاش میں کہاں جائے گا؟ کیا یہ صحیح ہے یا غلط؟ میں ہمیشہ صحیح بات کہتا ہوں۔