امیٹھی سے بڑی شکست کے بعد اسمرتی ایرانی کا بیان

امیٹھی، 4 جون (ذرائع) امیٹھی لوک سبھا سیٹ سے بی جے پی امیدوار سمیرتی ایرانی نے کہا، مجھے لگتا ہے کہ آج عوام سے اظہار تشکر کرنے کا دن ہے- جو جیتے انہیں مبارکباد دینے کا دن ہے، انہوں نے کہا میں نے ہر گاؤں میں جاکر کام کیا، ہار یا جیت کے باوجود میں لوگوں سے جڑی اور میری زندگی کا بہت بڑا اعزاز ہے-

اتر پردیش کی امیٹھی لوک سبھا سیٹ پر مقابلہ بے حد دلچسپ رہا۔



گاندھی خاندان کی روایتی سیٹ پر اس بار کانگریس نے جیت درج کی ہے- کانگریس سے کے ایل شرما نے بی جے پی کی سمیرتی ایرانی کو شکست دی ہے- ایرانی نے گزشتہ لوک سبھا انتخابات میں راہول گاندھی کو امیٹھی سے شکست دی تھی۔ کشوری لال نے اسمرتی ایرانی کے خلاف 1 لاکھ 67 ہزار 196 ووٹوں سے کامیابی حاصل کی ہے۔ شرما کو کل 5 لاکھ 39 ہزار 228 ووٹ ملے ہیں۔ وہیں اسمرتی ایرانی کو 3 لاکھ 72 ہزار 32 ووٹ ملے ہیں۔