کےٹی آرنے لاسیہ نندیتا کے افراد خاندان سے کی ملاقات

ذرائع:

حیدرآباد:بی آر ایس کے کارگزار صدر کے ٹی آر نے آنجہانی ایم ایل اے لاسیہ نندیتا کے افرادخاندان سے ملاقات کی۔ اتوار کی صبح کے ٹی آر سابق وزراء محمود علی اور ملاریڈی کےہمراہ کارخانہ علاقےمیں ان کی رہائش گاہ پہنچ کرنندیتا کی تصویر پر پھول پیش کئے۔اوربعد میں لاسیہ نندتا کی والدہ اور بہن کوپرسہ دیا۔ بعد میں انہوں نے کہا کہ انہیں یہ خبر سن کر شدیدصدمہ ہوا ہے کہ لاسیہ نندیتا کی سڑک حادثے میں موت ہو گئی ہے۔ انہوں نے کہا کہ وہ بیرون ملک ہونے کی



وجہ سے نندتاکی آخری رسومات میں شرکت نہیں کرسکے۔کے ٹی آر نے کہاکہ وہ ہمیشہ لاسیہ نندتا کے افراد خاندان کے ساتھ کھڑے رہینگے۔

واضح رہے کہ کنٹونمنٹ بی آر ایس ایم ایل اے لاسیہ نندیتا کی جمعہ کی صبح سڑک حادثے میں موت ہوگئی۔ یہ حادثہ اس وقت پیش آیا جب وہ جس کار میں سفر کر رہی تھی وہ سنگاریڈی ضلع کے پٹن چیرو میں آوٹرر رینگ روڈ پر پیچھے سے آنے والی ایک نامعلوم بھاری گاڑی سے ٹکرا گئی۔ جس کے نتیجے میں کار کی اگلی سیٹ پر بیٹھی نندیتا کے سر پر شدید چوٹیں آئیں اور وہ موقع پر ہی چل بسیں۔