کووند، مودی اور شاہ نے مہاراشٹر کے اسپتال حادثے پر اظہار افسوس کیا

نئی دہلی، 6 نومبر (یو این آئی) صدر رام ناتھ کووند، وزیر اعظم نریندر مودی اور وزیر داخلہ امیت شاہ نے مہاراشٹر کے ایک اسپتال میں آگ لگنے سے ہوئے جانی نقصان پر اپنے رنج وغم کا اظہار کیا ہے۔

مہاراشٹر کے احمد نگر سول اسپتال میں ہفتہ کی صبح شارٹ سرکٹ کی وجہ سے آگ لگنے سے دس مریضوں کی موت ہوگئی اور دس سے زیادہ مریض زخمی ہو گئے۔

حادثے پر رنج و غم کا اظہار کرتے ہوئے مسٹر کووند نے ٹویٹ



کیاکہ "مہاراشٹر کے احمد نگر کے سول اسپتال میں آگ لگنے سے جانوں کے ضیاع کے بارے میں سن کر بہت دکھ ہوا۔ میں سوگوار کنبوں کے تئیں دلی تعزیت کا اظہار کرتا ہوں اور حادثے میں زخمی ہونے والوں کی جلد صحت یابی کا آرزومند ہوں۔‘‘

مسٹر مودی اور مسٹر شاہ نے بھی حادثے میں مریضوں کی موت پر رنج و غم کا اظہار کیا ہے۔ وزیراعظم نے ہلاک افراد کے اہل خانہ سے تعزیت کا اظہار کیا اور زخمیوں کی جلد صحت یابی کی دعا کی۔