کووند نے ودیشا حادثے پر افسوس ظاہر کیا

نئی دہلی ، 17 جولائی (یو این آئی) صدرجمہوریہ رام ناتھ کووند نے مدھیہ پردیش کے ودیشا میں پیش آئے حادثے پر گہرے رنج و غم کا اظہار کیا ہے۔

مسٹرکووند نے ہفتے کے روز ٹویٹ کر کے کیا ’’مدھیہ پردیش کے ودیشا میں پیش آئے حادثے میں کئی افراد کی موت کی خبر سے بہت دکھ ہوا‘‘۔ انہوں نے کہا ’’میں حادثے میں پھنسے افراد کو بچانے کی تمام تر کوششیں کی کامیابی کے لئے دعا کرتا ہوں اور



سوگوارکنبوں سے تعزیت کا اظہار کرتا ہوں‘‘ ۔ واضح رہےکہ ضلع ودیشا کے گنج بسوڈا میں کنویں میں گرے بچے کو بچانے کے دوران دیگر افراد کے گرنے کے واقعہ میں 11 افراد کی موت ہوئی ہے ، جبکہ 20 افراد کو بحفاظت بچا لیاگیا ہے ۔ کنویں میں ایک بچے کے گرنے اطلاع کے بعد درجنوں گاؤں والے اسے بچانے کی کوشش میں کنویں کی منڈیر پررکھی جالی پر کھڑے تھے ۔ وزن زیادہ ہونے سے جالی سمیت کئی لوگ کنویں میں گر گئے۔