کیرالہ میں تیزبارش سے فضائی اور ریل خدمات متاثر

کوچی، 9 اگست (ایجنسی) کیرل میں موسلادھار بارش سے جگہ جگہ پانی بھر جانے کے سبب کوچی بین الاقوامی ہوائی اڈے پر خدمات اتوار کے روز شام تین بجے تک موخر رہیں گی جبکہ چیرتھلئي کے قریب پٹریوں پر درخت گر جانے سے الپوزہ اور ارناكلم کے درمیان ریلوے خدمات متاثر ہوگئی ہیں۔

ہوائی اڈے کی جانب سے جاری پریس ریلیز کے مطابق مسافروں کو اس سے متعلق پوچھ گچھ کے لئے ایک ایمرجنسی کنٹرول روم کا نمبر دستیاب کرا دیا گیاہے۔ ریلیز میں بتایا گیا ہے کہ ہوائی اڈے کا نظام موخر



رہنے تک طیاروں کے پروازوں کے راستے تبدیل کئے جائیں گے۔ 

اس دوران اج صبح چیرتھلئي کے قریب پٹریوں پر درختوں گر جانے سے الپوزہ اور ارناكلم کے درمیان ریلوں کی آمد رفت میں رخنہ پڑگیا ہے۔ 

ریلوے کی پریس ریلیز میں بتایا گیا کہ اس واقعہ کے بعد کئی ٹرینوں کو كوٹايم کے راستے چلایا گیا ہے۔ ایرنادو ایکسپریس اور جن شتابدی ایکسپریس کو كوٹايم سے گزارا گیا ہے۔ 

ریلیز میں بتایا گیا کہ الپوزہ راستے سے ٹرین خدمات اگلے چار گھنٹوں کے لئے روک دی گئی ہیں۔