کے سی آر نے ایم ایل اے لاسیہ نندیتاکوپیش کیاخراج عقیدت،گھر جاکر افراد خاندان سے کی ملاقات

ذرائع:

حیدرآباد:بی آرایس سربراہ اورسابق چیف منسٹر کےچندراشیکھرراونے کنٹونمنٹ ایم ایل اے لاسیہ نندیتا کو خراج عقیدت پیش کیا۔ وہ کارخانہ میں لاسیہ نندیتا کی رہائش گاہ پر پہنچے اورگہلائے عقیدت پیش کئے۔ بعدمیں کے سی آر نے سابق ایم ایل اے سائی انا کی اہلیہ لاسیہ نندیتا کی والدہ اور دیگر ارکان خاندان سے ملاقات کی۔

اس سے قبل لاسیہ نندیتا کی موت کی خبر سامنے آنے پر کے سی آر نے گہرے صدمے کا اظہار کیا۔ ان کے انتقال پر تعزیت کااظہارکرتے ہوئے کہاکہ سڑک حادثے میں لاسیہ نندیتا کیاچانک موت افسوسناک ہے۔انہوں نے کہاکہ نندیتانے نہایت ہی چھوٹی عمر میں



بحیثیت رکن اسمبلی عوام کے دلوں میں گھربنالیاتھا۔ انہوں نے یقین دلایا کہ بی آر ایس مشکل وقت میں ان کے خاندان کے ساتھ کھڑی رہے گی۔کےسی آر نے ایم ایل اے کے اہل خانہ کے تئیں اپنے گہرے رنج وغم کا اظہار کیا۔

واضح رہےکہ ایم ایل اے لاسیہ نندیتا کی جمعہ کی صبح پٹن چیرو کے قریب او آر آر پر ایک سڑک حادثے میں موت ہو گئی۔انکی موقع پر ہی موت ہوگئی۔حادثے میں کار کا ڈرائیور شدید زخمی ہوگیا۔ لاسیہ نندیتا کے والد سابق ایم ایل اے سائی اناکا گزشتہ سال اسی مہینے میں بیماری سے انتقال ہو گیا تھا۔ حال ہی میں ہوئے اسمبلی انتخابات میں نندیتا کو کے سی آر کے سی آرکی جانب سے کنٹونمنٹ سیٹ دی گئی تھی۔